港股表現反覆向下，恒生指數從年初最高位逾三萬三千點累跌約七千點，加上樓價連月下挫，不少投資者「損手爛腳」，當中有劏舖業主急於套現，寧願「蝕入骨」掟貨。有原業主於2013年以約900萬元買入兩個尖沙咀劏舖，月前以低於一折、約70萬元出售，慘蝕92%。劏舖「做唔起」似是無可奈何的定律，惟大公報記者調查發現，有劏舖業主不甘坐以待斃，索性「死馬當活馬醫」，荃灣「經典死場」地皇廣場的劏舖業主，兩年前透過「聯租」方式及適時修訂整個商場營銷策略，變身美食廣場，成功催谷人流，生意銳增，更刺激劏舖出租率，舖位價格亦谷底反彈。/大公報記者　劉心（文）　李小榣（圖）

　　常言「一舖養三代」，但放諸劏舖，隨時連自己也無法養活。尖沙咀金馬倫道及漆咸道南交界的首都廣場，更可謂業主的「英雄塚」。有原業主月前以總共70萬元劈價放售兩個分別在2013年以496萬元及399萬元購入的劏舖。兩個劏舖短短五年帳面勁蝕825萬元，成交價狂瀉近92%。美聯集團董事總經理黃子華分析，劏舖蝕讓，與樓市下滑息息相關。「樓市下跌，即刻會影響同一板塊嘅商舖、車位價格下跌，出現『流血』情況，係意料中事。」

　　在首都廣場售賣首飾精品的租戶亦指出，過往一直經營首飾批發生意，約一年前看中尖沙咀地段暢旺，故以月租三千多元租了一個面積約30平方呎的劏舖，「間舖係細啲，不過啱啱開始嗰陣都仲有啲人流。但去到今年年尾，生意真係差，我哋賣十蚊三件首飾招客，加埋網上批發，希望薄利多銷。依家都唔敢諗咁多，只求賺得一蚊得一蚊。」

　　需說服業主打通劏舖

　　炮台山城市金庫是另一劏舖商場。記者日前實地觀察，發現全層336個舖位中，營業舖位寥寥可數，而且人流稀少，不少店舖貼出招租告示。有租戶表示：「2017年呢度仲似死場呀！之前扶手電梯壞咗，都要兩個幾月先維修，依家咪叫好咗啲囉。不過，商場位置隔涉，又無乜宣傳，就算街坊都少嚟。喺呢度開舖只可以當副業，唔可以當正職，我完埋呢個租約後，都可能會搬走啦。」

　　有人死心掟貨走，有人變招闖難關。荃灣地皇廣場早年被謔為「經典死場」，唯一班業主不甘被人「睇死」，在2016年以聯合招租方式自救。地皇廣場業委會委員王榮梅稱，「啱啱開業嗰陣，見到生意好冷清，個心真係好驚。有啲業主做咗幾個月，生意慘淡，收入連管理費都唔夠交。我哋業主覺得唔可以坐以待斃，決定團結積極闖難關。」

　　王榮梅指出，劏舖最大問題是業權分散，加上單位面積太小，必須打通才容易招租。「喺搞聯租嗰陣，我逐個向業主解釋，要自救，否則一齊玩完。當時，唔好聽嘅說話都聽過，有業主反問我係咪搵着數。」幸憑着熱誠，終於打動廣場逾七成業主同意聯租。

　　租客心得：賣特色貨多宣傳

　　下一步，就是要尋找有潛力的租客，帶旺廣場。「我哋將一樓多個舖位打通，租畀一間大型電器公司，但好快就發現反應欠佳。幾個月後，雙方和平解約。後來，決定將接近全層打造成美食廣場，大收旺場，生意額大增超過10倍。」王榮梅指出，現時參與聯合招租的荃灣地皇廣場劏舖約170個，近九成已租出，成績令人鼓舞。

　　在地皇廣場二樓租下13個劏舖的零食店水晶屋老闆Crystal，在經營策略上更是非劏舖不租。「劏舖租金較平，一次租多間加埋就有好大面積。況且，呢啲廣場坐落嘅位置通常都唔差，所以我哋過往幾間舖都專登揀呢類商場。」惟她表示，在劏舖經營店舖，需要有Facebook及Apps等配合宣傳，還要定期更新特色貨品，才能吸引顧客上門光顧。