該名港男在fb群組「飲食黑店大全(全港食店質素/價錢/服務關註組)」發文大呻，日前光顧一間以燒鵝招徠的食店吃下午茶，點了一份55港元的雞鵝飯。從其上載的相片可見，雞是髀肉位，燒鵝則只有背位，且全部都係骨或者肥膏。樓主不滿指「咁都斬得落畀人嗰下好嘢」，立即作出投訴「X咗之後畀返幾嚿正常，應該博啲人唔出聲由佢」。
帖文旋即引起網民熱議，「雞髀搭鵝背都話唔得，香港西客真係好乞兒」、「下午茶餐，仲要雙拼，畀個下裝例牌你好無?」、「下午茶差唔多啦，正價鵝都過70，要抵食去街市買嘛」、「一個生嘅鵝成本都要200幾300蚊，個個都唔俾得鵝背，咁以後全部下午茶餐雙髀飯，做到全港食肆執笠囉!」
有網民則認為食店老闆賺到盡，「做到咁，不如唔好比鵝人揀啦」、唔捨得比人食咪唔好懶大方咁寫有燒鵝啦」、「下午茶就差唔多要食骨?」、「差都應該有個譜!如果免費唔駛錢就可以接受!」
