圖：Angela創辦的社企名為「Power Angels」，目的為長者提供「一對一」個人化陪伴服務

　　「點解唔喺60歲、唔喺70歲搞社企，偏偏65歲搞，因為舊年我真真實實感受到乜嘢叫『老』，呢種『老』，唔係老到好弱好殘要瞓喺床上等人照顧嗰種，而係仍然活動自如，但已經出現身體部分機能衰退，但又未符合當局獲得照顧嘅程度，所以，我希望搞嘅社企能夠幫到呢類人，令佢哋得到適當關愛，用笑、用玩、用愛等方法，嘗試去延遲長者衰老速度，即使真的變老，亦要充滿幸福感。」

　　Angela創辦的社企名叫「Power Angels」，取其字面意思，即「具有強大力量的天使」，她坦言，因眼見不少長者承受着強烈孤單與無助感覺，故希望透過如「天使下凡」般、向長者提供「一對一」個人化陪伴服務，令他們感受「愛」。

　　目前接受社企專業培訓的「友伴」有數十人，全部超過50歲，他們會向其他長者提供陪傾偈、陪讀書、陪玩、陪行山、陪睇戲，甚至陪學興趣班等服務。

　　「其實我哋做長者嘅，好需要別人關心，但而家好多後生仔女，成日話忙、話多嘢做，冇乜時間理到我哋，我哋咪靠自己組織社企互相幫助同照顧囉！」

　　Angela營商起家，曾經在廣東東莞及浙江杭州開廠製造戶外帳幕。回港後，在一次機緣巧合下，由美國率先將當年尚未流行、可用於物聯網的射頻識別（簡稱RFID）技術引進，目前，她仍充當不少公司的解決方案供應商顧問一職。