大公網12月22日訊（記者溫頴芝） 唐文龍於《溏心風暴3》中爆肌演出成為話題，飾演他太太的歌手胡琳(Bianca)亦人氣急升。Bianca首次拍劇就「榮升」人母，劇中本與唐文龍相親相愛，有個幸福家庭，後遭飾演小三的陳敏之介入，發生婚外情。 

​胡琳感激唐文龍助她入戲。（發相）

　　首次拍劇就挑戰高難度演技，她說：「當初知道要拍《溏3》好開心，但一下子就要飾演人妻兼人母就開始擔心handle唔到，好彩有監製同我詳盡講解角色變化，鼓勵我去試，我知道今次戲份唔多但發揮空間大，都好想去挑戰自己，所以好快就進入狀態。」 

胡琳與戲中女兒培養感情。（發相）

　　Bianca的形象談吐向來予人溫婉嫻淑之感，但熟稔的朋友經常見到她「癲癲得得」的一面：「大家都以為我好溫柔、賢淑、斯文，其實我一點也不賢妻良母，要進入狀態都係靠自己投入角色，特別係好多場戲要帶住小朋友，本身我冇小朋友，所以一見到她就要母愛爆發。文龍好有經驗，令我更加相信自己係角色中人，由愛變恨，之後更加好投入去憎恨佢。第一次拍劇就有咁多得着，我都好滿意！」 

　　談及現實中有沒有遭第三者介入的經歷？Bianca笑道：「touch wood，冇呀！可能我外表太柔弱，冇人捨得傷害我啦！哈哈！」