土地供應專責小組作為香港的「覓地先鋒」，委員手持幾多物業同資產都非常敏感，隨時因搵地招人話柄，所以利益申報必須要做到足。而尋日各個委員都好乖地交足功課，將自己、家人持有嘅物業、資產，包括車位、住宅物業、地權等一一進行利益申報。
其中張學明可以話是委員中的「樓王」，個人持有大埔一間自住丁屋、大埔五幅地（共1306平方呎）包括兩幅舊屋地、三幅農地，而旗下嘅力毅有限公司亦持有三個分別在大埔、荃灣、天水圍的商舖，以及大埔一幅逾2000呎嘅農地自用。
鄭晴仲發現，名單中有唔少人竟然無樓無地，包括運輸及房屋局局長陳帆、環諮會前主席林健枝、港大房地產及建設系系主任鄒廣榮，就連俊和集團行政總裁彭一邦都報稱「無樓無地」，的確係出乎意料。
