圖：工作人員提供四碟蛋糕同飲品慰勞記者
特首林鄭月娥上任後喺管治方面展現出「新風格」，對傳媒的採訪安排上亦都展現出新作風。以往禮賓府有重大活動，記者只可以在禮賓府外的馬路上做「人肉吸塵機」，兼之特首尋日於禮賓府宴請立法會議員期間不時有狂風驟雨，不少行家去到前，都做好要喺風雨中守候一兩個鐘嘅準備。
點知鄭晴尋日去到就發現意外驚喜，禮賓府內特設傳媒採訪區，架設了擋雨嘅黃色帳幕，仲有工作人員提供四碟蛋糕同飲品慰勞記者。林太喺宴會前都主動過來話，作出有關安排係希望「大家不需要在馬路等。」認真夠貼心！
