圖：想獨吞8000萬頭獎？快啲去買張六合彩買個機會\大公報記者林良堅攝
萬眾期待嘅六合彩中秋節金多寶今晚攪珠。呢期六合彩有幾吸引？截至尋晚九點，投注額已經高達8300萬元！無他嘅，皆因呢次六合彩金多寶多達6000萬元，如果10元一注中頭獎，幸運兒估計可獨吞8000萬元。留意喇，發達機會今晚9時15分截止受注，記得早早買定，9時30分擔定櫈仔等揭盅！
六合彩有無路捉？大家可以參考嚇，過去五次中秋金多寶攪珠，「43」曾經出現三次，機率高達60%，而過去五次頭獎全部來自複式彩票。
至於邊度買最旺？馬會資料顯示，截至今年七月底，全港最旺嘅仍然係中環士丹利街投注站，共產生44名頭獎幸運兒，其次係荃灣青山道投注站，有37次，尖沙咀漢口道、屯門市廣場投注站就並列第三，一共36次。風水命理呢回事，信不信由你喇。
