圖：中大學生睇到「港獨」海報霸佔整幅民主牆真係成肚火，最後反「獨」表情包KO「港獨」
近日中大民主牆風波不斷，中大學生會唔畀人移除「港獨」單張，仲話「可以貼反對意見上去」，但規矩就係唔可以遮住其他單張。鄭晴同好多中大學生一樣，聽到呢句真係成肚火，因為「港獨」海報都已經霸佔整幅民主牆，咁即係唔畀人貼反對聲音啦，擺明就係「假民主」「真霸權」。
繼內地女生怒撕「港獨」海報之後，尋日有唔少學生受到影響，係民主牆貼上反對「港獨」嘅單張，仲好有創意咁用了內地好紅嘅表情包，例如有熊貓頭表情，配上「你還鬧，哥哥對你的愛就沒變過」、「給你三秒鐘認錯」等字句，嬉笑怒罵間再次KO千篇一律、毫無創意嘅「港獨」文宣。同樣地，中大學生會嘅Facebook都被網友攻陷，大部分都係諷刺學生會管理嘅「民主牆」毫無民主可言，完全無給學生留餘地發表反對意見。
