大公產品

首頁 > 港聞 > 正文

田北辰晤張建宗 提《施政報告》建議

時間:2017-08-31 03:15:18來源:大公網

  立法會議員田北辰離開新民黨後,組織「實政圓桌」,繼續喺議會內外發聲。佢同組織六位區議員尋日會見政務司司長張建宗,就《施政報告》提交建議,包括填海造地、教育、租務管制、擴闊稅基、欣澳填海起賽車場做旅遊新景點等八大範疇。田北辰話,非常睇好大灣區發展,希望政府考慮提供例如稅務優惠,或推出「高鐵月票」,畀大灣區工作既年輕人可以即日來回香港,月票可定價於1500元港幣左右,鄭晴按以往所計算嘅普遍價格計算,咦,咪即係半價?

  實政圓桌並鼓勵年輕人加強「國情認知」,田北辰話,早排參加人大考察團,見證國家大型工程,但香港年輕人似乎無乜機會見識祖國發展,「成日話『一國兩制』,但而家嘅年輕人根本無機會了解,例如南水北調,甚至國家政治體制,都係一無所知。」佢認為,年輕人好應該親身了解事實,再做判斷,唔好只係睇負面報道,聽到「國情」兩個字,就視為洪水猛獸,以為係洗腦教育。

最新要聞

最新要聞

最受歡迎