民建聯深水埗區議員鄭泳舜（左二）重視家庭相處時間，一家人有共同的體育愛好。
大公網8月30日訊：民建聯深水埗區議員鄭泳舜（Vincent）向來以愛好運動見稱，鍾意玩三項鐵人同跑馬拉松，但本身議員工作就已經好忙喇，點樣搵時間做運動同陪屋企人呢？Vincent表示，成家人都不知不覺受他感染，有共同嘅運動愛好，可以一齊體現同經歷。例如三個仔仔，今年暑假都成為咗「小鐵人」，接受鐵人訓練，而太太亦係兩年前開始長跑，仲一齊報咗明年渣打半馬賽事添。
講開運動就滔滔不絕嘅Vincent話，其實宜家國內有很多好好嘅馬拉松賽事，例如廣州、廈門同武漢呢啲大城市，氣氛非常好，明年有咗「一地兩檢」嘅高鐵開通後，就可以好方便咁去國內參賽。
