圖：內地好多網民都上載自己嘅「軍人照」同大家分享/網上圖片
萬眾期待嘅《建軍大業》，仲有一日就正式上畫喇！想清楚了解中國人民解放軍建軍90周年歷史，當然要衝入戲院睇，但假如你家下已經愛上咗戲入面嘅角色造型，即刻Download微信軍裝照App喇！擺個靚甫士，話唔埋影到好似朱亞文咁有型！
鄭晴話你知，呢個叫做《快看吶！這是我的軍裝照》App，係為咗慶祝建軍90周年，由人民日報客戶端創意出品兼主導開發、騰訊天天P圖提供圖像處理支持嘅新媒體產品。入到App，你可以選擇唔同年代嘅軍服，近至現代軍服，遠至南昌起義、紅軍時期，抗日戰爭都有，悉隨尊便。近日微信朋友圈已經被呢啲「軍裝照」洗版，身為潮人嘅你，當然要曬下自己張軍裝合成圖，一齊慶祝建軍節！
劇情注重香港元素
講番《建軍大業》套戲先，今次電影選角除咗有鹿晗、張藝興、李易峰、朱亞文等「小鮮肉」男星，其實仲好注重香港元素。容許鄭晴劇透下，例如有周恩來扮富商來港醫病，身為廣東人嘅葉挺將軍同部下講粵語。聽日入場，記得留意清楚！
鄭晴
