圖：立法會工商事務委員會訪問團到訪以色列外交部
放暑假，香港人最鍾意出埠旅遊，立法會一班議員都趁暑假去咗以色列，但唔係去玩，而係去考察當地嘅創科工作。
議員們一行九人，上星期六晚出發，去以色列耶路撒冷，當地舊城區近日有少少騷亂，但考察團成員冇有怕。自由黨黨魁鍾國斌抵埗後，就喺Facebook為大家直擊舊城區實況，現場相當和平，之後又介紹當地外交部安排嘅防彈車，仲講笑話無人真心想證實架車係唔係堅防彈。
經民聯主席盧偉國就分享考察行程所見所聞，好似到訪以色列風險投資基金，聽佢哋介紹當地創業基金界發展，分享點樣為發展蓬勃嘅高科技產業提供融資；又到訪開發、供應圖書館自動化系統嘅Ex Libris公司，了解佢哋發展歷程、點樣打開國際市場。介紹番，香港好多間大學同圖書館，都係用緊佢哋套系統㗎。
