大公網7月12日訊：今日係DSE放榜，有人歡喜有人愁，唔少立法會議員都為考得無咁好嘅同學講鼓勵說話。身兼大律師嘅新民黨容海恩（Eunice）就係社交網站自爆，自己由小到大都唔係品學兼優嘅乖女，試過成績表出現「滿江紅」，中學畢業後先後係加拿大同香港，修讀IT課程同接受職業教育訓練，之後由於工作關係經常接觸到法律事務，先激發起攻讀法律嘅興趣。Eunice又鼓勵同學仔，無論考試結果點樣，只要勇敢邁步向前，每個人都可以行出一條屬於自己、璀璨耀眼嘅人生路。
立法會教育事務委員會主席、民建聯蔣麗芸話，大家唔好因為考得唔理想，就覺得前途盡廢，正所謂「窮則變、變則通」，即使讀唔到大學，都可以嘗試讀專科，就業出路未必會差。經民聯梁美芬就話，人生有很多階段，考試只係其中嘅一步，考得好嘅同學千其唔好驕傲，考得無咁好嘅同學都唔使灰心，只要肯努力，行行都係出狀元。
