大黃蜂在鰂魚涌出沒。(大公報記者馮瀚林攝)
大公網6月12日訊 （記者龔學鳴報道）知道今日下午會有八號波，都無咩心機返工。不過呢，係雷電交加、狂風暴雨嘅前夕，香港嘅天氣異常晴朗，所謂暴風雨前夕總係最平靜嘅。再望返地面，咦，無眼花嘛?竟然係鰂魚涌見到大黃蜂，仲要被人綁住係柯柏文貨車上面?根據目測，大黃蜂身高兩米半，而柯柏文貨車亦長約六米。係鰂魚涌出現係咪因為上一集係鰂魚涌取景呢?
不過呢，鍾意變形金剛嘅讀者唔駛擔心，因為黎緊呢個星期大黃蜂都會係全港各地巡遊，聽日下午三至七，就會去上水、粉嶺；星期三嘅下午三至七，就係去灣仔、中環；星期四同樣時間，去沙田、荃灣；星期五就係去銅鑼灣同尖東。至於星期六，就朝十晚六，去尖沙咀同旺角，星期日同樣時間，大黃蜂去元朗、屯門。不過，大黃蜂會唔會敵唔過八號風呢?
