大公網6月3日訊（記者周禮希）政制及內地事務局今日舉辦基本法親子工作坊，透過帶趣味性，簡單易明的劇場、遊戲及DIY手作，向小朋友推廣有關基本法的概念和初步認識。基本法親子工作坊在九龍一個商場舉行，活動包括小小《基本法》工作坊，讓小朋友填色，將有基本法條文的「小小《基本法》」帶回家；而《基本法》互動劇場則由主持與小朋友分享一次與特區政府有關的小故事，加上基本法知識問答大型棋盤遊戲、卡組笛和音樂盒工作坊等活動。

卡組笛工作坊

　　政制及內地事務區的負責人表示，今次的活動能以輕鬆的方式，讓小朋友透過遊戲初步掌握多一點有關基本法的知識和背景，而選擇工作坊的主因是希望小朋友更容易明白，工作坊亦介紹一些基本法的主要條例、以生活化和簡單的例子為主。

　　不少參與工作坊的家長認為活動能讓小朋友及早認識基本法，又認為加深對國家、香港及基本法的了解。

　　陳太：

陳太：始終我哋都係中國人，應該要認識多啲基本法。

　　將來小學都有課程教基本法，小朋友而家開始初步認識會輕鬆啲，而且活動都幾得意，小學嗰陣教可能會悶，既然都係要學，早少少開始都好。始終我哋都係中國人，應該要認識多啲基本法。

　　鄭太：

鄭太：應該要加強基本法嘅教育，由幼稚園開始會好啲。

　　今次用簡單形式，俾小朋友先學基本資訊，活動又可以吸引到小朋友，透過遊戲簡單認識啦。應該要加強基本法嘅教育，由幼稚園開始會好啲，以前文化同而家都唔同，英治下同回歸中國後都唔同，應該要認識多啲嘅。

　　邱太：

邱太：估唔到小朋友三歲自己都答到區旗係紅色。

　　初步認識係好事，我都估唔到小朋友三歲自己都答到區旗係紅色。應該要加強基本法教育，睇電視見到佔中好似好唔啱，要多啲人認識（基本法），香港先可以繼續繁榮、穩定。有啲知識分子都唔知香港係中國不可分割嘅部分，好多大學生走去佔中，我都擔心小朋友好似佢地思想走偏，都有教佢。

　　陳先生：

陳先生：對於歸屬感，政府可能要多做工作。

　　都會學到少少到基本法有關嘅資訊，係好事，應該要認識（基本法），活動都算生動有趣。而家幼稚園嘅基本法認識都足夠，普遍教育就未必夠，近大半年有本土、「港獨」議題，對香港嘅地方理念，就算真正的本土觀，年輕人都未必咁清晰，可能係因為教育不足。不過教育都唔容易，唔係讀書、考試就可以解決問題，對於歸屬感，政府可能要多做工作，香港而家已經有問題，要做多啲工作先得，例如中史其實應該係必修科。