由立法會宣誓風波開始一直「潛水」、繼而遠走英國「求學」嘅本土民主前線發言人梁天琦，呢排又潛水咗好耐。不過，「西瓜琦」不甘寂寞，嚟緊又要浮出水面。「本民前」尋日喺Facebook發帖，話梁天琦將會喺6月11日出席喺倫敦國王學院舉行嘅研討會，到時梁天琦仲會擔任講者添。
不甘寂寞唱衰香港
研討會係由一個叫「文政網」嘅組織主辦，呢個組織嘅Facebook不時會分享一啲同梁天琦、旺角暴亂、「本民前」有關嘅文章同新聞報道。而梁天琦出席嘅嗰場研討會，聲稱內容主要有三方面，包括探討香港嘅政治自由度，聯署支持香港示威及支援政治犯遊行等。「港獨」喺香港已經係「過街老鼠」，梁天琦惟有勾結外國勢力播「獨」，同埋唱衰香港囉。
