大公網5月8日訊 （記者龔學鳴報道）講起法院，大家嘅印象係咪仲停留喺電視劇嗰種無高科技設備嘅法院呢? 現實嚟講，香港法院當然與時並進啦。今日新民黨容海恩(Eunice)喺facebook發帖，話去年旺角暴亂事件再有十名被告分別被控暴動、襲警及刑事損壞等十四項控罪。案件已經喺區院作閉門預審，並會喺6月1日移師西九龍裁判法院科技庭開審。
Eunice話，香港法院逐步引入更多應用科技，加快審訊過程，例如科技法庭提供視像會議、多媒體提證功能、文件紀錄與證物處理系統服務，以及傳譯服務等，對於涉案人數眾多嘅審訊，更為合適。
不過呢，Eunice話，講到科技法庭，佢就諗起早前到澳洲嘅新南威爾士州最高法院參觀當地科技法庭，佢仲好欣賞當地法庭Bring Your Own Device 概念。律師枱上已準備好視頻，電腦接駁位，技術準備水平好高。法庭內亦有直播電視，可傳送在遠程嘅被告或証人使用者作即場作供之用，對處理答辯法庭實在可節省不少運送被告及証人嘅時間。Eunice仲話，唔知香港地院27庭會唔會有呢項革新呢?
