圖：市民紛紛舉起手機影個不停，好熱情！\特首fb圖
特首梁振英（CY）向來是愛花之人，空閒時最鍾意喺花園種下花草，禮賓府入面唔少植物，好似秋葵、粟米、火龍果同檸檬等等，都係由佢自己一手一腳包辦。CY尋日就喺個人Facebook專頁上載咗幾張相，原來佢前日除咗走入元朗食雲吞麵外，下晝仲去埋旺角花墟「入貨」，幫襯小店買盆栽，睇下植物種子同肥料。唔通特首想趁陽光燦爛的日子，種多啲植物，幫禮賓府加添色彩？
不過CY一落花墟就畀大批市民包圍，人人爭住同佢握手合照。雖然買花係咁遇上市民「集郵」，但CY全程仍展露笑容，上前求合照、握手、傾偈，一律來者不拒。唔少網民話，特首睇花之餘，仍然不忘聽下市民心聲，仲話下次都好想再「野生捕獲」CY呀！
