陳恒鑌(圖右)扮成武士,準備出擊!
大公網4月24日訊 波蘭呢個國家不嬲以豐富的人文氣息同歷史聞名,係一個旅遊嘅好地方。尋日民建聯立法會議員陳恒鑌(阿Ben)同區議員李世榮(世榮)喺波蘭玩嘅時候都不忘同大家分享嚇當地風土人情,不過佢地並唔係去參觀歷史建築,而係去行喺軍事博物館外嘅假日墟市!
兩位遊玩之餘都不忘為香港取經,見到由軍用煮食車改裝而成嘅美食車,仲話要向推動緊美食車嘅蘇錦樑局長介紹,之後又去睇售賣唔同特色紀念品嘅攤位,阿Ben同世榮仲戴上武士頭盔,做出衝鋒陷陣嘅模樣,超級搞笑。佢地一路行,一路同唔同打扮嘅外國人傾偈,有啲打扮成古代軍人,有啲係荷蘭牧人,大家傾得不亦樂乎。
世榮行行嚇就話,當地墟市人流咁汪,相信係同軍事博物館外嘅飛機、坦克車、大炮等吸引旅客,好似佢地本身都唔知道有墟市,係被博物館吸引而來,似乎係發展墟市嘅另一良策喎。