大公網4月6日訊 立法會發展事務委員會組成嘅考察團下星期就會上惠洲、河源一帶考察東江水工程。曾經多次因為收埋示威物品，被拒入境內地的社民連梁國雄（長毛）亦係今次考察團成員，佢尋日朝早去中旅社申領一次性的通行證，預計今個月11日就會知道係咪獲得批准。聽講長毛本來係打算申領10年期回鄉証，不過今次因為無帶特區護照，加上時間緊迫，先改為申請一次性通行證。
長毛話今次返內地以公務為目的，怪責立法會秘書處唔幫佢申領證件，話佢地係倒退，又話咁係不禮貌表現。長毛話，佢以前曾經帶請願信同特別服飾而被拒入境，認為入境唔應該有服飾限制。喂阿哥，唔該你唔好搞事啦，既然你都知係公務，你就唔好帶曬示威道具入境啦，而家明明係你自己申請回鄉証又唔帶護照，仲要賴秘書處唔幫你？真係以為做議員大曬咩。唔該長毛今次真係唔好再搞搞震，珍惜考察東江水嘅難得機會啦。
