大公網3月28日訊（記者龔學鳴）林鄭月娥以777票當選第五屆行政長官，從此香港誕生首位女特首。
林太喺電台節目透露，其實自己當時準備咗三篇講稿，一篇係勝利宣言，一篇係落敗宣言，最後一篇係首輪投票未分勝負嘅發言稿。被主持問到究竟落敗宣言有無咩金句，林太就話，自己其實無睇過落敗宣言，因為諗住唔駛睇，仲話自己搵咗一個年輕人寫完之後，一路擺咗喺度，笑住話唔駛睇。
至於咁樣係咪信心爆棚？林太就否認呢個講法，話做人應該要樂觀啲、正面啲，同埋要對自己有信心。
