喺立法會將「甩轆」當做家常便飯嘅議員劉小麗，前晚去通州街天橋底大火現場訪問露宿者，仲用Facebook直播，立即被網民批評無常識，唔應該隨便上載露宿者嘅容貌，真係唔知佢去幫手定係倒米。
劉小麗喺Facebook嘅直播視頻，清晰影到兩位因為大火損失家當嘅露宿者面貌，一人坐喺地下，一人倒卧，兩個人都無同喺度直播嘅劉小麗有任何交流。有網民就「溫馨提示」佢話：「每個露宿者背後都有佢嘅故事，樣貌公開咗可能會不利於他／她們呢」。
都有自稱「本土派」諷刺劉「又走去抽水」，「不停講唔知可以點做，無建設性」。
劉小麗後來就在Facebook解釋：「小麗已問準（准）了受影響街友接受訪問。」但一眾網民就唔收貨啦。
