大公網1月12日訊 要數今日最哄動嘅香港大事，非政務司司長林鄭月娥響政府總部宣布辭職莫屬。市民除咗關注林鄭幾時會宣布參選特首，連佢身後印有「飛龍」香港品牌標誌嘅易拉架布景都惹人遐想。事關財政司司長曾俊華上個月響同一地點宣布辭職嗰陣，「飛龍」布景唔見咗，令人猜測特區政府係咪「大細超」喎。
鄭晴今日都有份響現場採訪，當然有向政府新聞處問個究竟啦。有職員解釋，上次曾俊華見記者之前，財政司司長辦公室就同政府新聞處講，話有「飛龍」布景嘅話，影相望落會好花，希望能夠收起。至於今次，由於政務司司長辦公室冇提出同樣要求，所以就冇收起。嗰位職員仲笑言，唔好咁「陰謀論」喎。哈，只可以話，市民嘅創作力量同幻想，有時真係會嚇你一跳。
