李嘉誠於今日下午見記者。電視截圖
大公網1月5日訊（記者 龔學鳴）特首選舉成為城中熱話，身為選委會委員嘅長和主席李嘉誠今日出席年度晚宴嗰陣，都俾在場傳媒問到對下任特首有冇心水人選。
誠哥一嚟就好風趣咁話：「我知道你會問呢個問題。」佢雖然冇正面回應人選問題，不過就話自己認同港澳辦主任王光亞早前接受《紫荊》雜誌訪問時，提出中央對特首嘅四個標準，「佢啱丫，特首需要嘅條件佢都講曬」。他又希望可以選到大家鍾意嘅特首。王光亞所指嘅四個標準，分別係愛國愛港、中央信任、有管治能力同埋港人擁護。
至於同樣係選委會委員嘅陳智思就認為，下屆特首需要有能力團結香港，俾到香港人新希望。佢又估計，今次嘅特首選舉競爭將會非常有競爭性，參選人要爭取足夠選委提名並唔容易。
