阿Ben露營時自己落手煮野外大餐。
聖誕假期完結，唔少人都選擇去旅遊度假，陳恒鑌（阿Ben）都唔例外，不過佢就唔係去北海道吹雪，而係同屋企人一齊去大嶼山效遊、露營。
佢喺社交網站分享去效遊嘅少少感受同靚景靚相，話去露營、觀日、煮飯，接近大自然，係減壓嘅最佳選擇，文中更加特別提到一齊去露營嘅囡囡。
阿Ben坐喺沙灘睇日落，感受大嶼山嘅寧靜。
阿Ben話﹐行過長長嘅斜路，必然感受到背囊嘅沉重，但係佢嘅囡囡喺過程中竟然毫無怨言，仲打頭陣行。佢又提到，囡囡連十級臭嘅旱廁都頂得順，發現露營對治療現代人公主病嘅功效顯著咁話喎。阿Ben又話，進一步走入大嶼山，感受到更多它的寧靜和美麗。佢喺網上都貼咗好多張沙灘、營地同日落嘅相同大家分享。睇嚟阿Ben同囡囡經過今次旅程，都獲益良多。
阿Ben去到郊遊都不忘工作，佢話籮箕灣需要改善排污，以免洗潔精污染河道，開工之後就會即刻反映返喇。
