圖：吳秋北拍片推介創科博覽
如果尋日大家有去創科博覽科技展，咁可能就已經野生捕獲到工聯會嘅靚仔理事長吳秋北。佢尋日就帶住一班工聯會嘅同事去參觀。身兼港區全國人大代表，秋北自然了解國情同國家嘅科技發展啦，同大家介紹蛟龍深海潛水器同天宮一號嘅時候，又真係有紋有路。
導賞員上身嘅秋北又話，今次展覽會有五十幾項高科技展品，包括航天、交通和能源等範疇，仲有好多場講座。而家展期差唔多完，叫大家千祈唔好錯過機會，快啲嚟睇咁話。至於香港嘅創科水平，秋北都讚不絕口，佢就鼓勵香港後生仔除咗要多了解國家嘅創新科技發展之外，都可以選擇積極參與其中，唔好聽到高科技就怕怕咁話。
