大公網9月5日訊（記者黃昱）投票結束後，各路傳媒齊聚亞洲博覽館通宵等候點票結果，即時報道最新的動向。不過日頭就忙住採訪投票日嘅新聞，長夜漫漫踩更守候，記者都覺得真係好甘。不過今年亞博館嘅服務，對比上一屆認真有進步，除咗有咖啡飲品無間斷提供之外，更加貼心準備傳媒禮包，裡面雪糕餐飲券之外、短袖T恤、牙膏牙刷等。更有甚者，連面膜都有埋，絕對俘獲一眾女行家的歡心。不過，各路記者有時間，都選擇爭分奪秒咁閉目養神，似乎就冇乜心思去解決自己嘅個人衛生同靚靚問題啦。
其實除左記者之外，唔少等候選舉結果嘅候選人都整晚冇覺好瞓，事關記者尋日就係凌晨時分撞到好多個等候結果嘅候選人喺亞博館範圍內遊蕩；仲有人瞓唔著，就幹脆食宵夜補充能量兼壓驚添。其實，香港人，無論係打工仔定尊貴嘅立法會議員，真係「你有壓力，我有壓力」嘎。
