大公網7月3日訊 身為律師嘅張國鈞(Horace)，今日舉行新書發布會，太太仲帶埋兩位千金前來捧場呢！到底新書有幾「千奇百趣」呢? Horace就話，咪以為律師就好似《壹號皇庭》咁，五點收工，之後就落bar，或者好理性之類，原來部分律師都好迷信風水。話說Horace當年係一間外籍律師組成嘅律師事務所返工，當中事務所就有一筆幾萬蚊嘅預算，用嚟請風水師傅睇嚇辦公室風水。不過最有趣嘅地方係，華裔合夥人就反對請風水師傅，但係外籍合夥人則堅持要請，佢哋仲因為呢個事係會議上「炒大鑊」，真係幾諷刺呢！
