香港樓市貴絕全球，年輕人要上樓難上加難。正八集團主席廖偉麟呼籲，年輕人買樓不要「人買你買」，要量力而為，直言「如果硬要買一個自己都唔鍾意的單位，就寧租勿買。」他更透露，自己亦是四十多歲結婚才買樓。
做開物業投資的廖偉麟表示，向來不會炒賣住宅，「關乎民生的東西我哋都唔會掂，住房在香港是必需品，如果我炒起佢，變成人哋無得住，唔想做呢啲嘢。」他表示，多年來只買過一個住宅，便是現在因結婚而買的屋企。
本港樓價持續上升，但廖偉麟說，年輕人買樓前要想清楚是否有迫切性，首選要自己喜歡而又可負擔的，「唔好話人有你有，買嗰啲『納米樓』無用，樓市一逆轉就『死』得最快。」他續說，「單身或未儲到錢的年輕人，可先租樓，儲到再買。」
作為廖創興家族後人，頭頂「富三代」光環，談起買樓固然是輕鬆的。但廖偉麟則稱：「我二十多歲都無買樓，到四十幾才買。買樓唔係威，我用果筆錢來賺錢更好，總好過剩係買樓用曬。」難怪在太太的要求下，才在結婚前一個月買樓的他一直說，買樓並不是必然，喜歡、可負擔才買。
