大公產品

首頁 > 文章 > 正文

劉德華呼籲市民透過正確渠道購買演唱會門券

時間:2018-08-31 20:39:09來源:大公網

  大公網8月31訊「記者陳惠芳」劉德華於年底在紅館舉行跨年演唱會,本來將於下月4日公開發售,惟本月25日於柴灣售票處發生斬人事件後,主辦方經商議後,決定取消於售票處出售門票。劉德華更為政府拍攝了一條宣傳短片,呼籲市民避免受騙,要透過正確渠道購買演唱會門券。

  今日11點半左右,警方透過官方社交平台,上載一條長1分40秒的短片,短片中的華仔身穿白恤衫背向鏡頭,站在辦公室望着掛在牆上的舊相片,然後轉身說:「我知道好多人喜歡睇演唱會,點解?因為可以近距離接觸,同支持自己喜歡的偶像,但如果你們網上,或一啲非官方渠道買飛,我真係希望你哋小心啲,好多騙徒利用你哋嘅心理,然後透過好多唔同social media話畀你哋聽『我有飛賣』,第一樣嘢就叫你過咗數先,到攞咗錢會想盡辦法 用好多藉口拖延交收,最後唔見咗。」

  華仔再說:「唔好信網上like、留言,一切一切我都覺得係博取你哋嘅信任,我又呼籲大家千祈唔好買來歷不明嘅門券,因為真係有機會墜入陷阱,亦唔鼓勵買賣黃牛飛。如果唔想做受害者我有個建議,就係一定要去官方同正確渠道買門券,如果買唔到,要喺第二啲地方買,買飛過程有任何懷疑,希望即刻停止所有交收同報警」最後華仔就呼籲大家,支持佢哋同時要保護自己,避免受騙。」

最新要聞

最新要聞

最受歡迎