「獨片」《理大圍城》被社會各界質疑涉違香港國安法，結果諗住上映呢套片嘅高先電影院，都要「龜縮」停映。各界咁關注，《大公報》力盡傳媒責任繼續追查，結果發現呢間戲院幕後大股東竟然係「超級黃絲」王利民，仲揭發埋佢同攬炒派政棍有千絲萬縷關係。點知呢個超級大話精王利民畀《大公報》踢爆後，竟然喺自己Facebook發帖狡辯，聲稱記者冇問過佢回應就報道。
不，鄭晴問過相關記者，真相係：大公報記者喺報道出街之前兩日，就透過Messenger問佢回應，嗱，有圖為證！只係王利民一味死拖唔肯覆，仲要老屈記者冇問過佢，擘大眼講大話，連自己都呃埋！呢種「大話精」，本性同攬炒派真係同煲同蓋，難怪一拍即合。
有人行走江湖，可能慣咗車天車地，呢次玩網上炒作，想借《大公報》個名抽水呃Like？好心你啦，睇嚇出邊係乜嘢天氣先玩喇！
市民對超級大話精王利民有乜睇法？睇嚇網上留言就一清二楚，有人話「應該向國安處舉報呢個××黃屍曱甴王利民！還要向警方舉報他是否有洗黑錢及是否有偽造文件詐騙10億貸款？」更有人直斥「呢隻漢奸走狗畜生，妖言惑眾，禍國殃民」。
