遊戲機專門店連番遭暴徒破壞,努力艱苦經營的店主萬先生坦言曾經想放棄,「七號暴徒來搞事,貨品被人掟曬出來。我自己一個收拾時,想起之前朋友勸我不如唔好做啦,或者轉做網店;我個仔又因病入院,內憂外患,壓力大增,我當時真係動搖,幸好得到各路朋友支持。」
十月七日,店舖第二次被暴徒大肆破壞後,一位知悉店主萬先生因撐警而成暴徒目標的女警員走來,說警隊的一眾「機友」同事決定齊齊「入貨」購買萬先生的貨品,以示支持小店。
不少網友也聲援支持,除了在網上留言為他打氣,甚至有人特意從港九新界各區前來購物支持,令萬先生慢慢打消結業念頭,「如果唔係佢哋,我堅持唔到依家,明明一部遊戲機3000幾蚊,佢哋(支持市民)係要畀4000,話要支持我;連明明唔打機嘅人都過來,特登買一部返去。」
萬先生眼眶泛紅哽咽說:「其實一句加油,我已經好滿足!我真係好感動,好多謝佢哋!」