該名網民在fb群組「太古人太古事」發文，並上載照片公審一名女乘客以名牌手袋霸佔巴士座位，指每日早上乘坐8時許開出、來往太古城及中環的720P路線巴士時，上層一名靠窗坐的女乘客都會將手袋放在身邊空位上，「專登擺佢個包包係隔籬位阻止人坐」。樓主稱已經不是第一次見到對方這樣做，「唔係一次半次唔記得，係次次都博大霧」。
樓主指，就算見到多人上車，該女乘客也不會主動拿開手袋，自己亦因性格較內向，所以不會主動開聲要求對方拿走手袋讓位。而過去曾數次目睹有其他乘客叫該女子拿開手袋，對方才會不情願地讓出座位，樓主不滿地指，「有幾次都畀佢博到無人坐佢隔籬，其實咁唔想有人坐隔籬唔好搭巴士搭的士啦」，遂拍下對方的側臉照片，問網民「不唔知有冇人一樣留意到依個女人」。
有網民留言回應稱認得該名女子，指她不會主動拿開手袋讓座，會等到上層只剩下她身旁的座位或有人主動要求才拿起手袋。樓主回覆指「其實日日好多人企喺度望住佢等佢拎走佢都唔拎，一定次次要等人開口講唔該，拎開嗰陣塊面係黑曬」。
另有不少網民批評女乘客行為，「不知這個包包有無出車費」、「我會日日都坐她隔座」、「一定坐下，最多一句唔該」。不過，也有網友力撐女乘客「我覺得沒有問題。幾時關繫這個人的事，肯拎就得」。
