民主黨(鴿黨)早前為黨員參選立法會訂下極高門檻，噚日正式公佈話冇人參選，意味該黨將缺席新一屆立法會選舉，距離滅黨又近一步。唔少網民覺得班鴿黨中委係寧願攬炒，都唔想有黨員出選，認為鴿黨中較溫和嘅人應該「退黨保平安」、「民主黨要走向滅亡，有心愛國愛糧支的趕緊退黨。」
修例風波期間，民主黨與黑暴為伍，舊年更涉嫌參與違法「初選」。隨著香港國安法實施，呢班人自然越行越黴，結果就走嘅走、拉嘅拉，例如許智峯喺舊年底棄保潛逃到海外、副主席李永達早前亦都潛逃去英國;林卓廷等多個骨幹分子亦先後涉嫌違法被捕、還柙。而隨著唔少鴿黨中人被DQ，連區議員都冇得做，有鴿黨中人直言唔知第日點做地區工作。
