圖：業界普遍反對扣分制，質疑把責任全推在的士司機
我係全叔，今年50多歲，一眨眼就做咗的士司機十多年。為什麼做這麼長？無他，純粹覺得的士司機無拘無束。不過，十數年也看盡的士司機生存不易。
我們行內大部分屬租車司機，有退休人士、有壯年被裁人士，也有喜歡自由的年輕人……然而，我們目標一致，只是將的士司機當作一份維持生計的正當職業而已。但是，我覺得，有咩事發生之後，政府一定搵我哋呢班司機嚟開刀，今次扣分制就係最好例子。
以我自己為例，每天租車及燃氣成本至少600元，若要求月薪有20,000元，每天營業額至少1,700元才能達標，以目前本港超過三成屬不跳表的短途客，要做到每天1700元營業額不容易。車主懶理司機實況經常加車租，白牌車猖獗等，對我們而言，都是好大的挑戰。
我唔否認行內有害群之馬，但政府有冇諗過我哋其實係制度下最冇議價能力、最無助嘅一群？
