圖：尋日經民聯林健鋒同張華峰上演了一場互餵雪糕「雙峰（鋒）會」/林健鋒fb
近期喺facebook都見到唔同人互餵食甜筒（ice cream challenge），目的就係為咗響應導盲犬協會嘅慈善籌款活動，尋日經民聯林健鋒（Jeffrey）同張華峰（肥老闆）也上演了一場互餵雪糕「雙峰（鋒）會」。
Jeffrey今次係受到經民聯監事會主席林建岳嘅邀請，Jeffrey起初都幾醒，識得首先用左手握住肥老闆嘅左手，然後互相掂下對方下巴，知道距離，不過兩位食完第一啖之後，大家就開始大笑啦！最後呢，Jeffrey又搞笑咁話，「雙峰（鋒）會」就完結啦！希望大家唔好傷風！佢亦都點名李慧琼、梁美芬、麥美娟接受挑戰，而肥老闆就點名劉業強、史美倫同任志剛，肥老闆話，呢三位都係有心幫助有需要嘅人，希望佢哋多啲出力。
