大公網9月14日訊：特首林鄭月娥搬入翻新後嘅禮賓府，首次大型活動就係招待100多位來自18區青年網絡的「後生仔女」，同佢哋傾下偈。林鄭月娥尋日在社交網站上載有關活動嘅短片同照片，指當日大家就青年嘅「三業三政」，即學業、事業、置業；議政、論政、參政，暢所欲言，交流氣氛熱烈。林鄭又話，好高興可以親自同佢哋分享諗法，期待未來有更多交流機會。
特首林鄭月娥在禮賓府招待100多位來自18區青年網絡的「後生仔女」。
鄭晴覺得，今屆政府好重視年輕人嘅意見，除咗林鄭外，其他司局長之前都有落區與年輕人見面，了解民情，但最重要就是點樣將呢啲意見，轉化為實實在在嘅幫助年輕人嘅政策。林鄭係參選政綱中，就提出與青年「同行」，增加佢哋參政議政以及向上流動嘅機會，下個月嘅施政報告究竟交唔交到功課，係咪能夠對現存嘅問題對症下藥，相信唔少年輕人都翹首以待。
