圖：講咗咁耐，大家搵到未？後排右六就係小六年代羅致光喇
大家望一望下面張相，估唔估到邊個係羅致光？上星期，本地學界經歷兩個放榜，就係升中派位同中學文憑試。勞工及福利局局長羅致光尋日發網誌，關心放榜學生，希望佢地盡快重拾心情，重新出發。佢又分享自己1966年小學畢業相，提到自己1966年響堅尼地城嘅呂明才紀念小學畢業，同班同學不足三分一有電話，升中無耐就失去聯絡，近日嘗試聯絡，全班50人只係搵到八個人，佢勸大家好好善用科技，珍惜童年友誼咁話！
講開放榜，佢忍唔住自我「抽水」，提及希望副局長和政治助理早日「放榜」。佢話最近忙於約見勞工界和商界組織，如果早日「齊腳」就可分擔唔少工作。
