大公網5月15日訊（記者龔學鳴）教育局局長吳克儉鍾意睇書嘅印象深入民心，而民政事務局日前喺facebook發放一張局長劉江華喺威尼斯睇書嘅相，同樣都引起網民熱烈討論。不過呢，鍾意睇書又唔止一班局長嘅，身為體育、演藝、文化及出版界嘅立法會議員馬逢國，原來都好鍾意睇書喎。佢尋日就喺facebook上載一張相，居然踎咗喺度睇書。點解咁有趣呢?佢解釋，呢個係細個嗰陣嘅生活片段，就係踎係街邊睇漫畫。佢去咗饒宗頤文化館睇「香港百年蛻變」圖片展覧，雖然規模唔大，但幾有意思，勾起咗很多回憶，所以向大家推薦。這次圖片展覽展期會去到8月31日，大家有興趣就記得睇啦！
