圖：「迷離私竇」是灣仔金樂大廈一個連天台嘅高層單位

　　梁頌恆和游蕙禎因涉嫌去年11月非法集結和強行進入立法會，警方早前往灣仔金樂大廈一個連天台嘅高層單位，打算「一室兩捕」，點知就爆出遊蕙禎喺屋內應門，但梁頌恆就唔見人，「迷離失蹤」半小時之後，警察發現梁頌恆赤腳行上天台，佢對鞋仲漏咗喺走廊。呢間梁、游「迷離」私竇即刻喺網上「爆紅」。鄭晴最近發現，有地產代理網上放售呢個私竇，叫價620萬，話單位實用面積360平方呎，平均呎價一萬七千幾，貼近同區市價。唔知係咪業主趁炒熱有價，覺得係時候放手？

「品味裝修」睇過先知

　　其實個盤早喺舊年梁、游尚未「同居」之前，曾經在地產網上同步放售兼放租，依家梁、游「蜜居」過，單位內部裝潢是否如代理硬銷「品味裝修」？不如鄭晴同大家八下啦。

　　先講梁頌恆赤腳「迷蹤」半小時嘅天台，有木製屏風半圍封，不過天台其中一邊可以遠眺莊士敦道高樓，擺咗一張露天長方形枱連四張椅，桌椅旁仲有張半卧椅。「私竇」嘅睡房同客廳用衣櫃間開，標準雙人床尾有張黑色迷你型梳化，床邊有一排大窗，明亮開放，可清楚望到對面大廈。

沖涼隨時「春光乍泄」

　　再睇下洗手間裝潢，企缸式設計採用玻璃幕門，沖涼位嘅偌大窗口，只用白色窗廉遮掩，游蕙禎拉埋簾沖涼會唔會「春光乍泄」，只有對面大廈嘅商戶先知。小型客廳除電視機外，仲有投影裝置，可以理解梁、游都幾重視「感官」享受。據消息話，梁、游「私竇」租約今年十月一年嘅死約屆滿，業主係連埋租約放售，如果知道租客係梁、游，唔知買家會唔會耍手擰頭呢？

　　鄭晴