龐愛蘭（中）與兩名負責「放蛇」的小調查員
大公網4月20日訊（記者龔學鳴）後生仔血氣方剛，如果加上酒精嘅作用就更容易出事。但新論壇及龐愛蘭議員辦事處一項最新民調就發現，16.1%嘅未成年受訪者有飲酒習慣，當中50%係過去一個月內每日飲酒，暴飲5杯以上的未成年人更高達81.8%，較2015年嘅調查數字激增3倍！
龐愛蘭（中）與兩名負責「放蛇」的小調查員
點解個數字會增加得咁誇張？龐愛蘭議員辦事處上月26日就「放蛇」，派出兩個6歲男童同一個15歲女仔，到沙田區7個不同商號嘅14個零售點買罐裝啤酒，結果發現僅有三間零售店拒絕兩名男童，而女仔嘅購買成功率更達百分之百，認真係無王管啊！
未成年人自制力有限，一唔小心就會「飲大咗」，到時無論係傷害到人或者被人傷害，大家都唔想見到啦。其實歐美國家對呢方面管得好嚴，售貨員一旦懷疑購買酒精飲品者嘅年紀，就會要求出示身份證，香港都要快啲跟上國際步伐，立法規管下至得了。
