香港城市大學近年喺QS世界大學排名表大幅躍進，除了學術成就外，城大更關注學生嘅身心發展。城大學生宿舍設立首個玫瑰園及香草園，尋日舉行開幕儀式。城大副校長（學生事務）葉豪盛期望，藉兩園宣揚環保意識嘅同時，能為學生減壓，以最佳狀態應付即將到來嘅期末考。
城大學生宿舍獲城大環保基金贊助，總成本約八萬多元，經兩年時間籌備，在宿舍內開闢第一塊玫瑰園及香草園，分別佔地150及60平方米。兩園昨天開幕，多位主禮嘉賓齊齊在薰衣草淋水，象徵兩園茁壯成長，為學生帶來紓緩減壓效用。
葉豪盛介紹話，呢個係同學生宿舍合作嘅項目，期望兩園在宣揚環保意識嘅同時，透過園內香味和環境，畀學生減壓、放鬆心情，以最佳狀態應付即將到來嘅期末考。城大副校長何敏賢話，學生和老師都可撰寫計劃書申請資金，推動學校可持續發展。
