大公網3月28日訊（記者龔學鳴）知唔知香港有咩非物質文化遺產呢? 有無諗過傳統紮作工藝都即將成為香港非物質文化遺產呢？一班青年民建聯成員就去咗學紮燈籠，了解中國文化。青民主席顏汶羽話，民建聯一直希望政府能夠成立基金，為中國傳統文化手藝提供人才培訓，提供一啲資助俾年輕人去學習。
紮作師傅許嘉雄就話，希望多啲人留意一下紮作呢個行業，而呢個行業喺香港好有代表性，好有價值，不過人手就相當少，技術好快失傳，希望政府同社會多啲留意，俾紮作行業多啲機會同空間傳承落去。許師傅又話，紮作可以訓練到自己專注力，市民學習就可以訓練腦筋，手腳都靈活啲。
