青年新政游蕙禎、梁頌恆喺上年立法會宣誓就職時發表辱華言論，高等法院原訟庭早前裁定二人宣誓無效兼喪失議員資格，佢哋立即提上訴，不過都係被高院上訴庭駁回，判詞狠批佢哋上訴理據站不住腳。
不過，呢兩個人死心不息，再申請上訴至終審法院，上月又再被高院駁回申請許可，佢哋再直接向終審法院遞交申請上訴許可，又申請埋聘請英國御用大狀彭力克來港在案中代表梁頌恆。
高院尋日開庭，處理聘請英國御用大狀彭力克來港一事，不過庭上透露，律政司、香港大律師公會原來早已表明不反對申請。上訴庭副庭長楊振權更斥責申請人梁頌恆，早已知悉大律師公會、律政司不會反對申請，仲要開庭處理，係浪費法庭時間。
鄭晴知道，原來彭力克是英國憲法專家，曾來港參與多場知名官司包括外傭居港權案。彭力克嘅收費更係天價，有資料顯示，彭力克每個工作天費用可達20萬英鎊。
