大公網2月16日訊（記者龔學鳴）：特首選舉參選人曾俊華（鬍鬚）尋日接受《南華早報》facebook直播訪問時，被問到最喜愛嘅Marvel漫畫角色，就自爆自己最中意《神奇四俠》入面嘅奸角「Silver Surfer」（銀魔），又話銀魔內心有矛盾，有爭議性，唔係完全嘅好人同英雄。
鄭晴查過下資料，發現銀魔嘅造型都好普通下，全身銀色，攞住一塊銀色滑浪板，無咩好犀利嘅武器，為了拯救自己嘅星球，甘心成為大奸角「Galactus」（行星吞噬者）嘅奴僕，當得到行星吞噬者賦予嘅力量後，自己嘅記憶、善惡、良知同道德觀就完全消失，一度要入侵地球，被神奇四俠打敗後就做咗好人。鬍鬚咁中意銀魔，唔通係覺得自己同銀魔嘅身世都有啲相似？呢個就得佢自己先知嘞。
