大公網2月14日訊（記者吳維思）：今日係情人節，不少立法會議員都各出奇招，趁機呃like。例如民建聯梁志祥（祥哥），就係facebook拍片教大家點樣花啲心思，整心形嘅車厘茄送畀心上人，既環保、慳錢，又健康。其實做法都幾簡單下，就係將車厘茄打斜切開一半，然後將其中一半倒轉一擺，就可以做到心形出嚟喇，再用牙籤串一串，就大功告成。鄭晴都好認同祥哥嘅看法，送禮唔一定要貴重嘅，最重要係心意啊嘛。
有人甜甜蜜蜜同另一半慶祝，亦有人寄情於工作，講過唔介意被稱為「剩女」嘅工聯會麥美娟（Alice），尋日就係facebook自嘲：「唔好又嚟問我情人節點過」，又好搞笑咁話「2月14同7月14都係要開工」，認真勤力啊。
