大公網1月5日訊（記者 龔學鳴）行所謂「勇武」路線嘅「港獨」組織「熱血公民」，居然諗住「從良」，撤出社運？被奉為「熱狗新首領」嘅鄭松泰接受網媒專訪嘅時候聲稱，依家搞街頭行動嘅風險比以前大，又話組織內部可能有「無間道」，所以短期內將會全面撤出社會運動、推動政黨化，積極轉搞社區服務喎。佢仲話，由前「首領」黃洋達營運嘅《熱血時報》，將會同「熱血公民」分開運作喎。
其實，「熱血公民」推動「港獨」、以所謂「驅蝗行動」破壞社會安寧嘅形象經已深入民心，依家鄭松泰居然話想專注社區服務，相信都幾難得到主流社會認同喇。
