大公網11月2日訊（記者 龔學鳴）立法會果然真係「沒有最亂，只有更亂」！青年新政候任立法會議員梁頌恆同埋游蕙禎今日「行動」升級，帶埋成班議員助理一齊衝擊保安人員嘅防線，其中一名助理仲要係大年初一旺角暴亂嘅「禍首」-「本土民主前線」嘅黃台仰添！對峙期間，班助理真係「手口並用」架，猛咁出言挑釁、爆粗「問候」保安嘅母親之餘，仲同保安拉扯，搞到有六個保安要送院接受治療，認真激進。
游蕙禎同班助理「走在最前」，佢嘅助理就不斷警告現場嘅男保安，叫佢地隻手唔好亂咁放，因住告佢地非禮喎；之後仲話要拉一位女保安出嚟，「協助」佢離開。或者係因為太緊張嘅關係啦，女保安口快快講咗句：「我係保護緊游小姐個胸。」班助理即刻大鬧：「▉唔駛／唔使▉你保護啊▉！」、▉「你要保護個胸就唔好做保安啦！做肚兜啦！」其實保安都係履行職責，令會議有秩序咁進行啫，班助理衝破唔到防線就「出口術」鬧到人狗血淋頭，唔同呢啲就係叫「勇武」？
