大公網10月1日訊（記者黃昱）過往國慶酒會嘅表演一般都係由歌唱節目包辦，雖然表演嘉賓、曲目或者形式就年年都唔同，不過節目優秀之餘，驚喜都稍嫌欠奉。而今日嘅表演節目就睇到在場賓客眼前一亮，登台獻技嘅係前段時間喺瑞典出戰2016年世界跳繩錦標賽打破世界紀錄嘅香港花式跳繩隊。一眾隊員同屢獲國際大獎的本地口琴四重奏樂團合作，喺出彩而又緊張嘅伴奏下，在一個個繩圈中飛舞翻騰。動作複雜，難度極高，但又全程零失誤，唔之得睇到咁多嘉賓讚不絕口，拍爛手掌啦！
