大公網9月20日訊 寶蓮襌寺上年首創「佛你跑」慈善越野跑，今年11月5日再接再黎舉行第二屆「佛你跑」，更作出「佛你太太跑」呼籲，叫埋女性參加咁有意義嘅運動，「佛你跑」參與者的起點及終點設於大嶼山昂坪寶蓮禪寺，參與者可趁機感受下「與佛同行」。
寶蓮襌寺今日特別開個記者會介紹「佛你跑」詳情，連寶蓮襌寺都監健釗法師都有出席，他今年會再次參加「佛你跑」。他又話，自己以前少做運動，多做運動後自己都精神咗，體重更減咗22磅，呼籲大家多做運動。
首屆「佛你跑」有過千人參與，今年名額加至2000名。今年賽事分為8公里、6公里和2公里。每段賽程首名都有冠軍獎杯，2公里嘅係「寶蓮杯」、6公里嘅係「智慧杯」、8公里嘅係「凈因杯」，大家想拎個特別嘅獎杯返屋企，就真係要跑得快好世界。
